الزمن باصص عليك

الزمن باصص عليك
عمال بيبكي
وأنت بنظرة  عينيك
قايل بتشكي
العيب علينا
ولا دا عيب الزمان
فارد إيديك
طايل طراطيف السما
بس القلوب..
صابها خلاص العمى
والزمن بيدي الحلق إنما
للي بلا ودان..
قلبك فصوله مدرسة
ضهرك دا حمال للآسي
قولنا كتير لعل وعسى
يتفتح جوه قلوبهم بيبان
وقفتك….
تنفع رسالة دكتوراة
آه لو تشوف الوجع
جوايا آآآه…
وكأنه فجأة القلب
أنطفت. فيه الحياه
وقدام لهفتك
يتخرس فينا اللسان
…………
#كلمات_ناجح_ثروت