قصيدة ع الفيسبوك
ع الفيس بوك
كل الناس محتاجة أحضان 🤗
كـله نازل بيلـوكــلــوك
أي كلام كله فـ توهان
الواد بيبانلك نحنوح
يفرشـلك الشات بســتان
وبيعمل فييس بحبوح
وعاملك فيـــها شاروخــان
وتبانلك البنت كيوتة 💃
مليـــانـة رقـــة وحنـــــان
ولانها كانت مكبوتة
تعمــلك فـوازير شــريهـان
كل بناته بقوا شاعرات 🖊
واللي بيفتى فى أى مجال
الشاعر بقي باللايكات 👍👍👍
والشــهرة بالكومّنتــات
والكــــل يطـــبل شغـــال 🥁
وبتكتتر فيه الإشاعات
ع العام وكمان جوه الشات
طب من فينا ماشافشي مثال
واللي من جوه يكون فاضي
بيحاكم غيره وبيقاضي
ويقولك الأبن الضال
عملوا الدين أحسن سبوبة
طلبوا من غيرهم قال تـوبة
وتشوف هما.شمال فى شمال 👈
واحدة كتبت لك زهقانة
مجروحة شوية وتعبانة
فجأه الرجالة بتتحول
لدكاترة فـ الطب ياخال👨⚕️
واللي بيوعد يرجع يخلـف
واللي بيكدب تانى ويحلف
وتشوف كله على دا الحال
………………………….
#كلمات_ناجح_ثروت
#فيس_بوك