“مريم” ما إختلفشي عليها إتنين

 

ما أختلفشي عليها أتنين 

بين حنايا القلب 

ساكنة جوه منى 

وف العنين مكانك 

جوه نني … 

حب البشر للبشر زايل 

لكن حبك ياعدرا ساكنيَّ …

لو قلبي ملياه المعاصي 

لو فى بحر الدنيا راسي 

لو يكون تايه وقاسي 

بتشفعي يا عدرا عني

بندهك وسط المشاكل 

لو حتي مقفولة بشناكل 

بلاقي عندك كل الحلول

والسنين اللي ماترجع 

والالام اللي بتوجع 

بلمسة منك تزول 

جربتي إحساس الأمومة 

وبتشفعي لغيرك تعيشه 

مع إنك عـدرا بتــول

الشعر فيكي مش كلام 

والصوت اللي طالع 

مننا زى اليمام

مهاجر 

مسافر

يارمز السلام 

عنك يخبر ويشرح يقول 

أزاى قدرتى تشيلي 

جوه منك أصل الحياه 

أزاى قدرتى تكوني 

ع الارض أنتي سماه 

أزاى لهيب اللاهوت 

ماحرقشي ناسوتك 

أزاى شوفتيه يموت 

وكان الكلام قليل

كان الكلام هزيل 

قدام سكوتك 

أزاى قدرتي تجذبي 

ليكي الأحبة 

من كل أرض وكل دين 

أزاى قدرتى بالمحبة 

تكونى أنتي الوحيدة 

اللى….

ماأختلفشي عليها أتنين 

…………..

#كلمات_ناجح_ثروت