#أيام_صوم_العذراء_مريم
#اليوم_السادس
…..
مصر شتتها الوجع
لوِّن الفستان بدم
يعمل إيه قلب الجدع
واللي حيلته بس هم
….
راح يجمع الفُتات
لأجل يأكل البنات
راجعلهم بعد أما مات
كل اللي فيه عباه آلم
….
مسئول عنيد
في رقبته دمه
قلبه متعبي بقساوة
ورغم ده كل اللي همه
أمتي الحوافز والعلاوة
….
ياعدرا مصرنا محتجالك
طيبي بإيدك جروحها
أشفعي عنها وبسؤالك
يجي يسوع ويرد روحها
…
مصر مجروحة وحزينة
والدموع ساكنة عينيها
طلي ياعدرا علينا
وبظهورك فرحيها
…….
مصر محتاجاكي حلي
الحديد من بين إيديها
مصر محتاجة تجلي
يرجع الفرحة إليها
….
#كلمات_ناجح_ثروت