مساحة عربية للمعرفة والإبداع
ماي ميديا — حرف M مدمج مع الريشةمعرفة تنفعك . وكلمة تشجعك
للفكرة التي تُفيدك،
وللكلمة التي تبقى معك.

خليها علي الله

ماي ميديا


 الساعه تقريباً ستة الصبح 

كل الناس بتحاول تصحي 

إلا أنت مش عارف تنام !

عَّمال تحسبها فرح وجرح 

مين كان باقي ع العشرة ؟

ومين باعها ليه؟ . وبكام؟

مين كانوا ف ضهرك ضلك 

مين فيهم لسه هنا فاضلك 

ومين فيهم كان معتبرك 

حيالله واحد ع الهامش 

أو أي كلام .

ولسه دماغك…….. 

عَّماله تودي وتجيب 

موجود في مكانك 

لكن عن وعيك بتغيب 

وفجأة تفوق …..

علي صوت ف الشارع بيقول 

خليها علي الله 

وأتغطي ونام

…………

#كلمات_ناجح_ثروت

من ديوان ناجح ثروت · تصفّح بقية القصائد ←