مساحة عربية للمعرفة والإبداع
ماي ميديا — حرف M مدمج مع الريشةمعرفة تنفعك . وكلمة تشجعك
للفكرة التي تُفيدك،
وللكلمة التي تبقى معك.

ماتزعليش .. إزعلي 🙄

ماي ميديا



 #ماتزعليش 

………….

ماتزعليش 

لو قلبي قال .

إنه ناوي يكرهك .

على قد وجعه 

وقد أما كان 

بيعشقك


ماتزعليش

لو قلبي شافك 

فحس خنقة 

وحس ضيقة.

قاد جوه منه. 

نار .. حريقة 

أصله جرحه 

ياما جاله 

بنيران صديقة


لكن إزعلي 

لو عيني جات ف عينك 

شفتي دمعة 

لو إيدي لمست .. . إيدك 

حسيت كإني

 صابتني لسعة 



إزعلي 

لأن دعوة أي عاشق 

أقوي من دعوة نبي 

إندبي .

 لو كفرت. لحظة  بيكي 

بعد أما كنتي  …

إنتي ديني ومذهبي 


………

#كلمات_ناجح_ثروت

من ديوان ناجح ثروت · تصفّح بقية القصائد ←