……….
هتصدقي
بجد لو قولتلك
كان نفسي
أريح رأسي وأبكي 😥
وأترمي ف حضنك وأنام
وأفضفض
من جوه قلبي بالكلام
وأجي بسرعة
ليكي وأشكي
ممكن أفرد غربتي
قدام عيونك ؟
وأدفي قلبي لما يبرد
بين جفونك ؟
المليانيين
طيبة وحنان ويا شجن
قلبي اللي تاه
وبين ضلوعه أتسجن
بس أنتي فكرتي
إني ضعيف
أو إني ورقة
زي أوراق الخريف
أو إني قصة
لا يمكن تتحكي
كنتي رافضه ليه؟!
تسمعي غنوتي
كنتي مش سامعه
كمان شكوتي
ولما أفرح
تكسري ليه فرحتي
الظلم عمره ماكان
للعدل خيوط
بس الأمان
عايز يوصل للشطوط
والخراااااااب خلاص
بقي أخطابوط
أهو دمر كل شيء
وسرق مني بسمتي
أنا لما جيتلك أشكي الهموم
لاقيت عليكي سحابه غيوم
مع اني مش شايفك كدة
كنت شايفك بشكل تاني
كنت حافظك زي إلحاني
لأنك بدايه ونهاية لقصتي
كنت كاره
أي احساس بالغضب
والدمع ف عينيا أتصلب
بس باقية حاجة واحدة
كلمتي
بحبك (u) 
بحبك
رغم القسوة والعناد
رغم الجروح والظلم
رغم الفساد
بس ليا عتاب بسيط
تنسي إني طفل
بعمل شخابيط
وتأخدي بإيدي
في شدتي
…..
#كلمات_ناجح_ثروت
