أوعي تبان ضعيف ف عينيهم .. شعر 

 أوعي ترخَّص نفسك ليهم 

أوعي تبان ضعيف ف عينيهم 

وإن قالوا عنك قاسي. 

يبقي أحسن 

ماتكون أنت مداس رجليهم 

….

خليك عالي ورأسك فوق

أوعي تبيَّن ليهم شوق 

وإن قلبك حنَّلهم مرة 

فكروا باللي داقُه دوق 

…..

شيل من قلبك أي حنان 

وأوعي ترجع تاني لزمان 

وإن زغللوا عينك إياك 

يغروك بشوية ألوان 

…….

خليك زي الجبل الصامد

صاحب قوة وقلبك جامد

وإن طفيت النار ف قلوبهم 

خلي قلبك دايماً قايد 

……

ماتهزكشي أبداً ريح 

طول ماأنت ف الحق صريح 

لا في يوم كانت 

علي رأسك بطحة 

ولا عامل عملة وخايف إن

الريحة تفيح 

……

#كلمات_ناجح_ثروت