هل الزواج قسمة ونصيب أم أختيار ؟

لو
قسمة ونصيب  وأختيارنا غلط هنرمي أختيارنا
على القسمة والنصيب ونقول هنعمل ايه (نصيبنا كدة . أو مايصيبك ألا نصيبك ) لانه فى
اعتقادنا أنه ماحدث لابد أن يحدث مهما فكر فى اتخاذ القرار لانه القدر بيوزع
الانصبة على الناس وكل واحد وحظه واحد جوازته تفلح وواحد لأ

 ده مش كدة وبس فيه بنات بتحط اسماء الخطاب على
المذبح وتخلى ابونا فى اخر القداس يختارلها واحد

  .. طيب
إيه اللي يأكد عكس كدة

الذي
يزرعه الانسان إياه يحصد أيضا  غلاطية
6  بمعني انه الانسان مشئول عن أختياراته

طيب
لو اختيار السؤال بقى فين مشيئة الله فى الموضوع ؟

إن الله
يشاء خير الإنسان، وهو يحترم حرية الإنسان وإرادته، لأنه خلقه على صورته، شخصًا حرًا
عاملًا يفكر، ويختار، ويصنع قراراته بملء رغبته.. 
والمسيحي يستعمل العقل، وهو نعمة من الله، كما يفيد من إمكانية أخرى في ذات
الوقت؛ فالمسيحي لديه قدرة داخلية على اكتشاف صوت الله (إنجيل يوحنا 4:10، 5)، فهو
–إذن- يستعمل قدراته العقلية،  وخبرته، ويسترشِد
بصوت الله، الذي يمكن أن يسمعه داخل قلبه، يسمعه واضحًا بقدر إخلاصه وطاعته وأمانته
لله.

 تقول الأمثال: “الله يعطي الطائر أكله ولكن لا يلقيه له فى عشه “. أي أنه ينبغي على المرء أن يجتهد ويهتم ويطلب ويسعى للحصول عليه ، وليس مجرد الجلوس أمام الانقسام! إذا صدقنا هذا فما قيمة محاولاتنا! يعلم الله مقدمًا ما ستختاره بقوته الإلهية ، لكنك من يختار! الله يعلم فقط ولا يمثل اختيارك.

لذلك في اتخاذ قراراتنا – سواء كان الزواج أو أي شيء آخر – نستخدم عقولنا التي وهبت لنا من الله ، مسترشدين بصوت الله في قلوبنا.

طيب لو حد أكتشف أنه
أختياره كان غلط أو مش موفق فيه إيه الحل ؟ سؤال للنقاش

أول
حاجة ماناخدشي الاختلافات على اساس أنها دليل على انه الاختيار كان غلط  لكن نحاول نصلح ونتعايش طيب أزاى

أولا بالحوار

يعني
ايه حوار ؟

1*
تبادل الرأى بين شخصين أو أكتر

2
* اتاحة الفرصة متساوية لكل شخص حتى يعبر عن وجهة نظره

يعني
مش توك شو ( هجوم ودفاع وكل واحد بيدي فرصه للتاني بس علشان يدور على رد أقوي من
رده علشان يفحمه وتلاقي حتى المذيعه مش مركزة ولو جات عليها الكاميرا ممكن تلاقيها
بتظبط فى شعرها ولا بتجهز للسؤال اللي بعده 

3
* ان ينصت كل شخص للأخر محترما رأيه مهما كان

أذا
احترمت رأي الاخر معني كدة أنك بتحترمه هو( لانه رأيي حتة منى ) 

ماهو الفرق بين النقاش والحوار

النقاش

النقش
أى رسم الكلام وتعريف تاني  للنقاش بمعنى المحاسبة
والإستقصاء

النقاش
 نوع من التحاور بين شخصين أو طرفين ولكنها
تقوم على أساس الحساب، وأظهار الأخطاء، وعدها ، وبتكون النتيجة فى العادة
لمصلحة أحد الطرفين وف الغالب بيكون الطرف الاكثر عد لأخطاء الاخر واللى بيعرف
يتكلم كويس  

أما
الحوار

الحوار الايجابى

هو تفاعل إيجابي . يعني تفاهم
.يعني توافق . لو بين زوجين

يعني كل تركيزى مع اللي بحاوره
وعينيا معاه مش مجرد انى بسمع وبس

إزاى اقيم حوارى أذا كان أيجابى أو لأ

 

1-
منح الآخر حرية التعبير .. زي ما بمنح نفسي حرية التعبير

2-
عدم فرض رأيي على الاخر .. يعني جاى أوضح وجهة نظرى وأقنع بيها الاخر ولا جاى
ومعايا فكرة ممكن تكون صح أو خطأ

3-
مستعد أني أقتنع برأي الاخر ولا لأ .. 
يعني دايما بقول ( رأيي صحيح يحتمل الخطأ ورأي غيري خطأ يحتمل الصواب )

4-
مستعد أتخلى عن رأيي لو طلع غلط ولا رأيي دايما صح

 

الحوار السلبي

تقول رأيك عادى ولكن لما الشخص
التاني يتكلم ويقول رأيه بتاخد من كلامه وتتريق عليه وكأنه هو بيعتدي عليك وأنت
بترد الهجوم

..

مثال واحدة بتقول لزوجها احنا
دخلنا مش كافى حاول تشوف عمل اضافى ؟ ممكن يرد عليها يقولها أيه

حاضر . هدور . دورت ومالاقتشي .
ماعنديش جهد لشغل تاني . و” ومكن يقولها أكيد أنتى كنتى عند أمك النهاردة” 

من صفات الحوار السلبي

الأنانية والعناد  واحد يقول مراتى كلامها
معقول وانا مقتنع بيه بس هعمل عكسه علشان ماتطمعشي فيا

الرأي الواحد  اللى هو انا اكبر منك وافهم اكتر منك زي اللي بيبص من أنبوبة مش شايف غير
اللي قدامه بس

طبعا ممكن حد يقول دلوقتى
الستات بتتكلم كتير وعايزة تحكي بالتفصيل الممل

..

الفرق بين الكلام عند الرجل والمرأة

الكلام عن الراجل وسيلة لنقل
المعلومات

الكلام عند الست وسيلة للتعبير
عن المشاعر

موقف . راجل جاى من الشغل مراته عايزة تثبتله انها مشتقاله

جات لزقت جنبه وعماله تحايله
حاجة وتقوله عارف النهاردة حصل ايه مع جارتنا هو واخد الموضوع جد فيقولها ها قولى
تقوله طيب ماانا جايالك فى الكلام وهو يقولها طيب كملى تفضل تقول تفاصيل طويلة وهو
يقولها طالما هو مش موضوع مهم وتافه بتتكلمى فيه ليه

طيب نحل المشكلة دي أزاى ؟

الراجل
لازم يفهم انه كلامها تعبير عن المشاعر

والست
لازم تخلى فى كلامها معلومة يعني تديله مانشيت كدة

لو
أتنين متجوزين وفيه اختلاف فى وجهات النظر ووصل لحد الخصام ؟ يعملوا ايه

مش
عايزة افوت الموضوع ده مش هتنام غير لما تقولى فيه ايه . انت سايبنى اكلم نفسي .
اسكتى انا عايز انام . يعني اغور أنام فى الشارع

 

ولا
تغرب الشمس عن غيظكم. وبهدوء وحضن كدة ولمسة خفيفة واحد من الطرفين يقول للتاني مش
مهم مين مش عايزك تنام زعلان منى . شوفوا تأثير الكلمة دي على أي حد

 

ماينفعشي
أشتكي لطرف تالت

تسلط
الراجل الست تتعامل معاه ازاى

فيه
تلات انواع من الستات

1-
انا عارفه الراجل الشرقى متسلط بطبعه بيحب يحافظ على كيانه وشخصيته ومش هيتنازل
علشان يحبني فاما تتجوز وتفشل او ماتتجوزشي اصلا

2-
الراجل اللي مايعرفشي يتحكم فيا يبقى مش راجل يعني يشكمها .. ده هيسألنى رأيي أيه
أمال راجل ازاى

3-
الخضوع للراجل زى مابيقول الانجيل اللي هو مافهوش عناد ولا تسلط لا الاولى ولا
التانية ولكن خضوع كما كانت امنا سارة مطيعة لابينا ابراهيم وتدعوه ياسيدي

 

هل الانجيل يريد خضوع
المرأة للرجل ؟ أفسس 5

فيه فرق بين الخضوع والخنوع

الخنوع
هو اجبارى

الخضوع
إختيارى عن حب

21 خَاضِعِينَ بَعْضُكُمْ لِبَعْضٍ فِي خَوْفِ اللهِ.
22 أَيُّهَا النِّسَاءُ اخْضَعْنَ لِرِجَالِكُنَّ كَمَا لِلرَّبِّ،
23 لأَنَّ الرَّجُلَ هُوَ رَأْسُ الْمَرْأَةِ كَمَا أَنَّ
الْمَسِيحَ أَيْضًا رَأْسُ الْكَنِيسَةِ، وَهُوَ مُخَلِّصُ الْجَسَدِ.
24 وَلكِنْ كَمَا تَخْضَعُ الْكَنِيسَةُ لِلْمَسِيحِ، كَذلِكَ
النِّسَاءُ لِرِجَالِهِنَّ فِي كُلِّ شَيْءٍ.
25 أَيُّهَا الرِّجَالُ، أَحِبُّوا نِسَاءَكُمْ كَمَا أَحَبَّ
الْمَسِيحُ أَيْضًا الْكَنِيسَةَ وَأَسْلَمَ نَفْسَهُ لأَجْلِهَا،

 

  الرأس والقلب

مامعني
أنه الرجل رأس المرأة

يعني
يتسلط عليها

الحقيقة
العلمية بقى ( المخ بيحس بكل حاجة فى الجسم ماعدا عن نفسه ) والدليل لما تكون جعان
بيدي اشارة للبطن وللفم انه يتكلم ويقول جعان

القلب
لو ماضخش دم للمخ لمدة دقيقة واحدة هيقف المخ

كورنثوس
الاولى 11

11 غير أن الرجل ليس من دون المرأة، ولا المرأة من دون الرجل في الرب

12 لأنه كما أن المرأة هي من الرجل، هكذا الرجل أيضا هو بالمرأة. ولكن
جميع الأشياء هي من الله

 

مفرد ناس 
أنس  ولكن انسان مثني

يبقي الاتنين رجل ومرأة . متساويان . متشاهان
. نديان

———————

#ناجح_ثروت