ألذ فرخة مشوية بطريقة رائعة ومبتكرة
ممكن يستغرب بعض الناس فى أنهم يشوفوا فرخة مشوية ولكن بزجاجة بيبسي
أيوه زجاجة بيبسي
ولكن هى دي الحقيقة
دي طريقة ممكن تكون جديدة على البعض ولكنها مجربة ومميزة لأنها بالفعل بتسوي الفرخة من جوه ومن بره
وبيكون طعمها لذيذ وبدون دهون
وده بفضل غليان المياه داخل الزجاجة فبتسوي الفرخة من جوه كويس
طيب ممكن حد يقول الزجاجة مش هتتكسر من النار
أقولكم لأ طبعا
لأنه الزجاجة بتكون متلبسة جوه الفرخة
بحيث إنه الفرخة بتكون قافلة عليها لكن بتأخد درجة غليانها للتسوية
ولو عايزين تعرفوا التفاصيل إتفرجوا على الفيديو
وبالهنا والشفا
المكونات
- فرخة متوسطة
- كوباية مياه
- عصير ليمون واحدة كبيرة
- ملعقتين كاتشب او هوت صوص لو عايزينها حارة
- عدد 2 طماطم متقطعين
- بصلة كبيرة
- عدد2 فلفل متقطع
- عدد 5 فصوص توم
- التوابل المحببة ( ملعقة صغيرة من كل الحاجات دي – ملح -فلفل أسود- زعنر – بهارات لحمة أو فراخ)
الطريقة
- هنخلط كل المكونات بتاعتنا فى الكبة أو الخلاط لحد ما تكون سائل متماسك
- بعدين هنتبل بيها الفرخة من جوه وبره وتحت الجلد
- ونغطيها بكيس أو ستريتش زنحطها فى التلاجة على الاقل ساعتين ويفضل من قبلها بيوم
- بعدين هنجيب صينة نحط فيها شوية مياة
- ونجيب زجاجة بيبسي نملاه بالمياه بس مش لاخرها كما هو واضح فى الفيديو
- هنلبس الفرخة لزجاجة البيبسي بحيث يكون صدر الفرخة مغطي فتحة الزجاجة
- هنكون مسخنين الفرن على درجة حرارة عالية ودخل فيها الصينية اللى عليها الفرخة
- هنسيبها على نار عالية حوالى ساعة الا ربع لحد ما نلاقيها لونها ابتدي بتغير وجلدها شد
- بعدين هنوطي النار عليها لحد ما تستوي وتدينا الشكل الجميل بتاع الشوي
- هنطلعها من الفرن ونسيبها شوية علشان نعرف نطلعا من الزجاجة لانها هتكون سخنة جدا
- وبعدين نطلعها وبالهنا والشفاء
طبعا الفرخة هتسوي كويس جدا بالطريقة دي لأنه المياه اللى جوة الزجاجة هتغلى والزجاجة هتسخن فهتوسي الفرخة كويس جدا من جوة بسبب درجة الغليان وكمان سخونة الفرن هتسوي الفرخة من برة بسبب النار وشدتها
وما تخافوش لكل الناس اللى سألت هو الزجاجة هتفرقع طبعا لا
لمعرفة الطريقة خطوة بخطوة بمنتهي البساطة
تابعوا الفيديو ده 👇
معلومة صحية هامة
كل أكله هنزلها بعد كدة هنحاول تكون فيه معلومة صحية بالقيمة الغذائية لكل أكلة وفوائد كل أكلة
ليه الفراخ المشوية صحية أكتر عن الفراخ المقلية ؟
هناك عدة فوائد للفراخ المشوي عن
المقلي:
- أقل عدد من الدهون: الفراخ المشوي
يحتوي على عدد أقل من الدهون عند المقارنة مع المقلي وهذا يعني أنه أقل خطر على
صحتك
- أكثر غذاء: الفراخ المشوي يحتوي على
أكثر غذاء من الفراخ المقلي، وبالتالي يمكن أن يوفر لديك الطاقة والتغذية اللازمة
للحصول على صحة جيدة.
- محتوى أعلى من البروتين: الفراخ المشوي
يحتوي على محتوى أعلى من البروتين عند المقارنة مع الفراخ المقلي، وبالتالي يمكن
أن يساعد على تعزيز العضلات والدعم للجسم.