وحشتيني
وحشني كل شئ فيكي
لمعة شايفها في عنيكي
وحشني صوتك الدافي
وطبطبتك علي كتافي
وكل الشعر مش كافي
عشان يوصف إحساس
كلمة (وحشتني)…
وحشتيني كدة جداً
وصوت الروح لو يدَّن
يمشيكي في شرايني
وحشني اسمي من صوتك
وتنهيدتك بحنية ف سكوتك
بقولها لقلبك الجاهل
وحشتيني..
مافيش حاجة تستاهل
تبكيني
مافيش حاجة تستاهل
دموع عيني
غير انه القلب يشتاقلك
وف لحظة شوقه يندهلك
ويقولك وحشتيني..
ويزيد الوجع فيا
لما أفكر وأقول هي
ليه قلبي ماسك فيها
وجوه عينيه مخبيها
وأنتي قاصدة تنسيني
مافيش
ف الدنيا أي أعذار
تخليكي تقيدي النار
بحجة إنها تقدر
في بردك راح تدفيني
…..
#كلمات_ناجح_ثروت
