قصيدة بعنوان هدوس على قلبي
هدوس.
علي قلبي من بكرة
وأشيلك حتي من بالي
ولو ليكي هنا ذكري
ماعادشي تيجي في خيالي
ماهصحاش تاني علي صوتك
ماهتأملشي في سكوتك
وهنساكي علي فكرة
ولا هبدأ يومي بصورتك
ولما يجبوا في سيرتك
هضحك ضحكة من جوه
وأحضن قلبي بالقوة
وأقول زمانها مش فاكرة
ساعات عشناها ف الجنة
دي نسيت اللي كان بينا
وع البعاد أكيد شاكرة
ولكن قلبي معاندني
بيقربني.. وتبعدني
مابقتشي روحها تسندني
والروح خلاص آهي بتموت
بتطلع في أخر سكرة
……
#كلمات_ناجح_ثروت
