وحشتني

حيطان البيت اللين
والعيش الشمسي
وهو لسه طالع م الفرن
مدرستي ف تل الزوكي
ومكانها كان ف الجُرن
لعب السيجا مع أحلي قلوب
لازم تلعب مع جدك بذكاوة
ولما تقوم منها مغلوب
يقولك قوم يادهاي
طلباشي غباوة 😁
وحشتني اللمة ف المغرب
والسهرة عند بابور المية
بتضحك ليه …مِستغرِب ؟
علشان كلامي بعفوية.
كنا بنتجمع على حب
وبنضحك كلنا على نُكتة 😂
كان كل كلامنا م القلب
دلوقتي قلوبنا بقت ساكتة😶
………
ليه الصعيدي وهو مسافر
بيأخد كيلو سكر وياه😉
هل علشان الجوع ..كافر
ولاعشان يحلى الغربة ياولداه
…………
الغُربة بتقدر .
تأخد منك أيوها حاجة
عمرك. حلمك.
وتديلك وجع لسنين
وتسيبلك ذكرى محتاجة
على قد الفكر برضه حنين
…
وحشتني أيام مش راجعة
وبراح ف قلوب كانت واسعة
وناس الطيبة ف قلوبهم
ماكانتشي أبداً يوم سلعة
…………
#كلمات_ناجح_ثروت