” قصيدة لو” اليوم الأول من صوم السيدة العذراء مريم

لو الدم هيبقى ميه
لو الحنان هيكون آسية
هيفضل حبك فى قلبى
عايش بإحساس جميل

إنتى عارفانى بجد
حبي ليكي غير أي حد
يلى بنسي معاكى تعبى
وف توهتى إنتى الدليل

لو تتوه فيّ السنين
وقلبى يكون مجروح حزين
آنده عليكي وتسمعينى
يلى بين كل النساء
مالكيش مثيل

لو رجوعى شىء مُحال
لو همومى تقل الجبال
بشفاعتك يشيلها ربى إبنك
اللى ماعندوش مستحيل

لو هعيش طول الحياه
وف قلبى مليون آه وآه
ولو حتي روحى فيا حزينة
هفضل أقول فيكي تراتيل
هفضل أقول فيكي
يابتول تراتيل

#كلمات_ناجح_ثروت