بلا حب ياشيخة بلا نيلة
تصبحي علي خير
خديلك أحسن تعسيلة 🛌
وحلي صوتك بشخير 😴
بيجينا الحب ف تغفيلة
وبيأخد أكتر مابيدي
واللهي كتير .
بيطير من عينا النوم 🥺🤯
بيجيب ع القلب اللوم 💔
بيخلينا عبايط بالكوم 🤪
بيغير كل خطوط السير 🚷
بلا حب ياشيخة بلا بتاع
مجناش منه غير صداع 🤕
شاريين وأدينا بنتباع
طاب ليه نزرع أرض الغير
الحب النابض مابقاش
وسطينا أبداً يتعاش
ف الوقت الحالي إن عاش
عمره هيبقي برضه قصير
بلا حب ياشيخة روحي نامي
أنا رافض أشوفك ف أحلامي
ولا هذكر أسمك في كلامي
تصبحي علي خير 😴😴
…..
#كلمات_ناجح_ثروت