#مش_ناوي_أصوم
.
مش ناوي أصوم
وأنا لسه ف قلبي
ضغينة لحد
بضحك ف وشوشهم
لكن قلبي شايل منهم
حاجات كتيرة ولا تتعد
ما هو أصله معلوم
إنه ربنا فرض الصوم
علشان نعمل لينا حدود
ونقدر نعمل للشهوات حد
مش يعني أغير أكل بأكل
أو علشان مابقاش وسطيهم
واحد منبوذ غريب الشكل
أو إني أصوم منعا للإزعاج
علشان ماأحسش بالإحراج
لما أبونا أو أخونا فلان
يسألني صايم ولا فاطر
طاب ليه مش صايم
هو أنت بتأخد علاج
مش ناوي أصوم
علشان بالصوم أتظاهر
أنا جايز أصوم علشان
الصوم اللي بجد بيغير
القلب اللي أصبح عاهر
بيرجعه لبياضه الأول
بيخليه من تاني طاهر
……….
#كلمات_ناجح_ثروت
بمناسبة
حلول صوم الميلاد المجيد