وهبتله حياتها وأحلامها
كانت فاكراه ملو هدومه
لو غلطت الكل يلومها
لكن هو مين هيلومه
يعمل فيها اللي بيحلاله
وكأنه أبوه أشتراهاله
بس كمالة لأوضه نومه
كانت فاكراه زي ما قال
واد مجدع بيصون العشرة
وأتاريه كان أعيل العيال
وعباره عن فالصو وقشرة
البنت قارورة من طيب
السـت لوجـعك كطبيب
وف قربها جرحك بيطيب
وإن غابت عنك لثواني
الفرحة معاها بتغيب
الست كمنجة كون عازف
البنت ك مانجه لو عـارف
بتطـمن جـداً لو تحضن
وتحس بـ أمنك لو خايف
………
#كلمات_ناجح_ثروت