أمي أخر ملاك ع الأرض
وصل رسالته وراح
كانت تضيق الدنيا
ألاقيها معاها براح
اخر نسايم هوا
في عز حر الصيف
كان الطبيب والدوا
حضن منها خفيف
أمي
اللي جات وراحت
ع الأرض تشبه ضيف
أمي سفينة نوح
في وش أي طوفان
أمي بدون ما تبوح
على وشها بيبان
كانت بتقرا عينيا 
كإنها فنجان
أمي
أول سبيل للراحة
لما يشد الوجع
أخر كلام بصراحة
وأوفي صاحب جدع
…..
إسمعوها من هنا
هنا الشاعر يشتاق لأمه ويصفها بصفات جميلة
يظهر فى تلق القصيدة فيض من حنان ممتزج بشجن غامر
تسمع إلقائه تشعر بالحنين
تتأمل الكلمات فتشعر بحالة إنسانية فريدة
الأم لا تقارن بأحد ولا تستطيع أى إمرأة مهما كانت أن تسد فراغ خلفته أم فارقت الحياة