طريقة عمل عروسة المولد بمكونات بسيطة جدا
كل سنة وأنتم طيبين بمناسبة المولد النبوي الشريف
وعلشان نستقبل الاحتفال بالمولد. يبقى لازم نبسط الأولاد بأشكال جميلة مرتبطة بالمناسبة الجميلة دي
ومن الأشكال المشهورة جدا فى الاحتفالات .وبتحبها كل الصبيان والبنات
هي عروسة المولد
والنهاردة هنتعلم مع بعض إزاى نعمل عروسة المولد بمنتهي السهولة والبساطة بشكل جميل زى ماهو واضح فى الصورة بالظبط
وكمان هنقولكم أصل عروسة المولد وإمتى ظهرت فى الاحتفال بالمولد النبوي
يلا بينا
أجمل عروسة مولد
طبعا عروسة المولد بتطلب كتير جدا كأعمال فنية فى المدارس والأطفال والتلاميذ لازم يعملوها
لكن لما ينفذوا ده بإيديهم بيكون ليه أثر نفسي جميل جدا عليهم
المكونات اللى هنحتاجها هي
- ورق فوم جليتر
- عروسة بلاستيك
- مقص
- دباسة ورق
- مسدس شمع
كمان ممكن تقدروا تتابعونا وإحنا بنعمل عروسة المولد خطوة بخطوة من خلال الفيديو اللى جاي ده
إيه هي قصة عروسة المولد وحصان المولد
عروسة المولد وحصان الحلوى تراث مصري قديم أجيال بتسلمه لأجيال
وبدأ الإحتفال بالمولد النبوي بالشكل ده فى العصر الفاطمي
الظهور الأول لعروسة المولد
ظهرت عروسة المولد أول مرة فى عهد الحاكم بأمر الله الخليفة الفاطمي
وكان فى أثناء احتفالات المصريين بالمولد النبوي انه الحاكم بأمر الله كان بيشاهد الاحتفالات هو وواحدة من زوجاته وكانت زوجته لابسة فستان أبيض وعلى رأسها تاج مصنوع من الياسمين
فأستغل الفكرة صناع حلاوة المولد ورسموا الأميرة زوجة الخليفة على قالب حلوى ومن هنا جات فكرة عروسة المولد
وكمان رسموا قالب الخليفة وهو راكب حصانه وصبوا القالب بالحلوى ومن هنا جه فكرة حصان المولد
اللي لحد يومنا ده
الناس كلها بتحتفل بالمولد بالشكل ده
مش كدة وبس
ده فى فترة من فترات العصر الفاطمى أتمنع الزواج الا فى اثناء احتفالات المولد النبوي الشريف
وإعتبروا إنه الفترة دي فترة أفراح وإحتفلات ولازم يكون فيه فرح فى كل عائلة
ومن هنا بقت عروسة المولد رمز للزواج وبتتقدم هدية من العريس لزوجته وأصبحت رمز لاحتفالات المولد النبوي
ومهما اتغيرت العادات ومهما تطورت الأوقات لسه الشعب المصري محتفظ برمزية احتفالاته
—
كل سنة وأنتم بخير بمناسبة المولد النبوي الشريف