غاوي قلبي يتشعلق

وغاوي قلبي يتشعلق
في طرف الخيط
وطرفه التاني ف إيديكي
تشدي!
ف قلبي يتمرجح
وع الأرجح..
يتوه في صفا عنيكي
تسيبي!
فيحسب الحسبة
وبعدها يعلن الغربة
وينوي يسيب أراضيكي
وفجأة ترجعي تاني
كأنك رافضه نسياني
فترجع روحي من تاني
تحن بشوق قوي ليكي
وليه أشتاق لأيامك
تندهي تلاقيني قدامك
ولما أشتاقلك ملاقيكي
أنا إنسان منيش آلة
وقلبي عمره ما كان عالة
وروحي صابرة وشيالة
وياما أعتنوا بيكي
بلاها اللف والدوران
عايزها صريحة الان
فلو بايعة… قلبيليه يكون شاريكي؟!

…..

قلبي ياغاوي تتشعلق
#كلمات_ناجح_ثروت
شوفها  وإسمعها على يوتيوب من هنا 👇

من ديوان ناجح ثروت · تصفّح بقية القصائد ←