سلام الله يا أم النور
ياشمس الدنيادي بحالها
يجيلك القُليب مكسور
بدنيا مايلة أحوالها
لكنه..
بطلة قلبك الصافي
وطبطبتك علي كتافي
ألاقى الدنيا تتغير بأحوالها
——————-
سلام الله
يا أم الله على سيرتك
عناية الله .
بحكمة عظيمة أختارتك
فكان ليكى عظيم الكرم
من كل الأرض وسكانها
—————–
الحيران
يجيلك
بعد توهة سنين
يشكيلك ..
من ظلم ناس تانيين
والدنيا ومشاكلها
فيرجع راضي مطمَّن
معاه حلولها
..
والتعبان
يجيلك دمعه على خده
مشاكله كتيرة مايتعدوا
يلاقي فــ ضحكتك سنده
فتضحكله ..الدنيا بألوانها
..