كسبنا شفاعتك
شاهدها على يوتيوب من هنا 👇
معلش بجد ياسيدنا
مش عارف أتكلم
ابنك تعبان من جوه
مجروح متألم
كل أما بسافر بخيالي
أو حتي بيجي على بالي
إني هروح الدير
ما أشوفكش
وإني الضحكة خلاص
ماهتضحكش
بحس لساني خلاص إتلجم
كل ما أراجع ذكرى
عشتها وياك
قولة إشليل
وأنا لابس شماس معاك
طاب قولي إزاي
ياسيدنا
أنا راح أنساك ؟؟؟!!!
مش ناسي
الطبطبة على كتفي
والكلمة اللي كانت منك
طالعة حنونة
بتشفي
دا أنا حتى
من كام يوم
عيني فارقها
الراحة والنوم
وكنت بفكر إني أجيلك
أقعد وياك .
أسمعلك وأحكيلك
وأجيب أولادي
يأخدوا بركتك
ويبسوا إيدك
سافرت بسرعة
طاب ليه مستعجل ؟
وكإنك حاجز الرحلة
وما ينفعشي أبداً تتأجل
سايب هنا
قلوب مليانة وجع وآهات
محرومة
من طيبة قلبك
ووداعتك
مبروك عليك
كنز السموات
وإحنا مبروك علينا
كسبنا شفاعتك
……….
كلمات : ناجح ثروت
………………….
إلى روح أبي ومعلمى ومشجعي
الذي كان صدر رحب وأب حنون للكل
أهدي روحك الطاهرة هذه الكلمات
وهى عبارة عن مشاعر صادقة
الصور الواردة في الفيديو من تصوير
الفنان توماس راضي
…….
ناجح ثروت