مدي إيدك ع البلاد
مدي إيدك ع البلاد
نوري كل السواد
الضلمة غطت القلوب
الوجع ف قلوبنا ساد
…….
شوفي ظلم الناس لناس
الضمير أهو مات خلاص
كلمة الحق .. بتنداس
الوطن عشش فساد
….
شوفى
لبنان.. شوفي سوريا
العراق مدبوح وليبيا
الوجع صوته بيعلى
والقتل بأسم الله جهاد
…
مصر بتنادي تعالى
زي ماجيتي زمان
قلوا رهبان القلالي
مصر فيها اليوم أوثان
….
كل واحد ليه إله
والصلاة روتين وعادة
أتغيرت ليه الحياة؟
مابقاش فيها طعم السعادة
…
#كلمات_ناجح_ثروت
#أيام_صوم_العذراء_مريم
#اليوم_الثامن