#ماوحشتكيش؟؟
أدمنتي ليه طول الغياب؟
وقفلتي بينا أي باب
وأختيارك كان طريق
تروحي فيه وماترجعيش
ماوحشكيش..؟
لحظة لقا إيدي بإيديكي
عيني لما حضنت عينيكي
همس الليالي وحبنا الغالي
كل ده ماهمكيش…!
ماوحشتكيش؟
لازمتها إيه كل الوعود
يامعلمة قلبك جحود
خليتي ليه حبك يسود
وعدتي ليه
طول ماأنتي ماهتوفيش..
ماوحشتكيش؟
طاب قوليلي؟
سايبه ليه قلبك معايا
لما أنتي ناوية
تكتبي سطر النهاية
لما أنتي عارفة
من غيري تعيشي
قبل أما تمشي. علمي.
قلبي من غيرك يعيش..
…….
#كلمات_ناجح_ثروت
